Rudina Hajdarit ka deklaruar ditën e sotme se nuk do të ketë lidhje me partinë e re ”Bindja Demokratike”.
Duke i uruar suksese koordinatorit të partisë së Patozit ajo është shprehur se do të vazhdojë në rrugën e saj në programin Përballë.
“Zotit Patozi i uroj suksese, por do vazhdoj rrugën time”,- tha Hajdari.
Ajo ka vijuar me tej duke u shprehur se ka qënë pro krijimit të forumeve të reja për sa kohë partitë ekzistuese kanë patur një mënyrë anti-kushtetuese për të kërkuar futjen në BE.
“Kam folur hapur me krijuesit, por nuk kam pasur asnjë lloj roli në krijimin e kësaj partie. Lajmet dolën se unë isha shprehur hapur, isha pro mos bojkotimit të zgjedhjeve. Isha pro dhe të formimit të një forumi politik që do përfaqësonin demokratët. PD dhe partitë e tjera kanë zgjedhur një mëyrë anti-kushtetuese dhe jo të përshtatshme të një vendi që kërkon të futet në BE”, tha Rudina Hajdari.
Sipas saj prioriteti kryesor do jetë grupi parlamentar demokrat. “Cdo gjë tjetër e shikoj pak të vështirë nuk dua që gjerat të ndodhin shpejt, duhet të jemi të matur. Nuk kam pasur asnjë rol në këtë parti politike”, theksoi më tej zonja Hajdari, e cila tregoi se ka patur ftesë nga zoti Patozi.
Jashtë vëmendjes nuk ka ngelur dhe fotua me Astrit Patozin, për të cilën ajo është shprehur se ka qënë foto e disa viteve më parë.
(s.a/faxweb.al)
Discussion about this post