Ish-deputeti i Partisë Socialiste Koço Kokëdhima, gjatë fjalës së sotme në Asamblenë Kombëtare të kësaj partie, ka folur edhe heqjen e tij si koordinator i partisë nëqarkun e Vlorës.
Ai ka treguar edhe një detaj me ministren e mbrojtjes, Mimi Kodheli, e cila e pasoi atë në këtë pozicion.
Kur Kodheli shkoi i Vlorë, u tha socialistëve “Unë jam Edi Rama me flokë”, ka zbuluar Kokëdhima.
“Mua, qëllimisht, nuk më njoftuan që të marr pjesë. Në këtë mbledhje u zëvendësova nga funksionet e mia në Vlorë, pa asnjë diskutim paraprak, pa asnjë njoftim, pa asnjë këshillim. Shoqja Mimi Kodheli që u caktua në vendin tim në Vlorë, në vizitën e parë që bëri në Këshillin Koordinativ të Qarkut dhe në asamblenë e partisë, deklaroi: ‘Unë jam Edi Rama me flokë’ dhe ‘tani e mbrapa këtu drejtoj vetëm unë!’. Pasi drejtuesit e partisë e kuptuan se sa i cekët e vetëdiskreditues ishte argumenti i mungesave të mia në mbledhje, dje dhe parëdje bënë këtë mocion duke u marrë firmat 150 anëtarëve të asamblesë. Nuk jam duke ju treguar një histori personale, jam duke ju shpjeguar një situatë politike shumë të mprehtë për ju dhe për gjithë veprimtarët anë e kënd Shqipërisë, që kanë ambicie që të bëjnë karrierë politike në Partinë Socialiste”, tha ndër të tjera ish-deputeti Koço Kokëdhima.
Koço Kokëdhima dha sot dorëheqjen nga të gjitha funksionet në Asamblenë e PS-së përpara se kolegët e tij të merrnin vendimin për shkarkimin. Kjo sipas tij është bërë për të mos vënë në vështirësi kolegët e tij. Menjëherë pas Asamblesë ai ka hedhur akuza në drejtim të kryeministrit.
Kokëdhima, edhe pse njihej si mik i afërt i kryeministrit Edi Rama, që pas humbjes së mandatit të deputetit në Gjykatë Kushtetuese ka nisur një sulm ndaj drejtuesve të Partisë Socialiste me pretendimin e “reformimit” të saj. (A.R/SHUPLAKA)
Discussion about this post