”Unë shoh vetëm përpara”, që përgjigja e Ilir Metës për gazetarin që e pyeti drejtpërdrejt ”Si ndiheni që ata që bënë demostratën e 21 janarit, ju zgjodhën president?”.
” Detyra e një presidenti është vetëm të shohë përpara, kur të hyj do them nëse do kem ndonjë ndjesi tjetër. Edhe si kryetar i Kuvendit jam përpjekur të shoh përpara. Të shohim përpara dhe të shohim se çfarë mund të bashkojmë.”, tha prerë Meta pasi iu përgjigj pyetjes për mungesën e ambasadorëve.
Dje gjatë zgjedhjes së Ilir Metës president nuk ishin të pranishëm në seancë ambasadorët. Por Meta e ka një shpjegim, duke kërkuar ndjesë për gjithçka ndodhi dhe duke shtuar se do kenë rast të jenë në betim.
”Dua t’u sqaroj që është përgjegjësia dhe faji im, sepse mendova që ishte e tepërt prania e tyre në një seancë normale, kur dihet që ata do të jenë të ftuar në seancën e betimit në parlament.
Ja fjala vjen nuk do ishte zgjedhur presidenti dje, çfarë do bënin atje?!
Kështu unë falenderoj Ambasadën Amerikane, shumë ambasadorë që më kanë dërguar mesazhe dje…dhe mos kini më asnjë shqetësim.”, shpjegoi Meta. (V.G/SHUPLAKA)
