Sot më 8 maj, ora 16.00 u mbyllën aplikimet për “ Anëtar i Senatit Akademik” të Universitetit të Tiranës nga personeli akademik dhe përfaqësues i studentëve. Në një analizë të shpejtë të aplikanteve nga personeli akademik, vërehet që për 1 vend në Senat, kanë aplikuar 2 pedagoge në titullin Prof.dr apo Prof.asoc.
Tek studentët aplikantë, raporti shkon 1 me 4, pra 4 studentë për 1 vend në Senat. Është dyfishuar numri i studentëve aplikantë për Anëtar Senati nga ato të zgjedhjeve të 2016. Vërehet një shtim i numrit të aplikanteve në titullin Prof.asoc, të moshës rreth 40 vjec dhe në maxhorancë të femrave pedagoge.
Numrin më të madh të aplikantëve e ka Fakulteti i Gjuhëve të Huaja, pasuar nga Fakulteti i Histori Filologjisë, Fakulteti i Shkencave të Natyrës, Fakulteti Ekonomik, Fakulteti i Shkencave Sociale dhe Fakulteti i Drejtësisë.
Nivelin më të lartë të aplikanteve pedagoge femra e ka Fakulteti i Shkencave Sociale me 66%, pasuar nga Fakulteti i Gjuhëve të Huaja me 63% dhe Fakulteti i Drejtësisë me 60%.
Ndërkohë një njoftim i tillë vjen në kohën kur ministria e Arsimit ka vendosur shtyrjen e datës së zgjedhjeve për shkak edhe të përplasjeve mes rektoratit dhe KIZ, ku Mynyr Koni shkarkoi 6 anëtarë të trupërs akademike në UT.
Ish-kryetarja e KIZ, Majlidna Keta pretendon se shtyrja e datës së zgjedhjeve është bërë formalisht ndërkohë që procesi i regjistrimit të kandidatëve ka vijuar.
Ndërkohë studentët kërkojnë anulim të plotë sepse sipas tyre, i bie se ka qenë proces përjashtues për shkak të situatës me pandeminë dhe se ka studentë dhe pedagogë që nuk kanë kanduar për këtë arsye.
(F.GJ/FAXWEB.AL)
Discussion about this post