Universiteti i Prishtinës kërcënohet nga ISIS?

Ditën e djeshme, një ditë përpara 47-vjetorit të themelimit të Universitetit të Prishtinës, janë ndërmarrë disa ndryshime për shkak të një letre kërcënuese.

Mediat kosovare shkruajnë se ceremonia për shënimin e 47-vjetorit të themelimit të Universitetit të Prishtinës ishte menduar të zhvillohej në “Sallën e Kuqe”, por më pas është anuluar.

Afrim Hoti, prorektor për Marrëdhënie Ndërkombëtare në Universitetin e Prishtinës, është shprehur se dje kanë marrë një letër kërcënuese në emër të Shtetit Islamik.

Sipas tij, në letrën e lënë në “Sallën e Kuqe” ishte shkruar: “ISIS ka me sulmue në datën 15.02.2017”.

Ndërkaq 10 studentë janë shoqëruar në polici dhe 5 policë kanë mbetur të plagosur pasi disa persona janë përpjekur të pengojnë mbarëvajtjen e ceremonisë. Situata është përkeqësuar duke përfunduar me plagosjen e pesë policëve dhe shoqërimin në polici të dhjetë personave. (XH.A/SHUPLAKA)