Uragani Irma është forcuar sërish duke arritur në kategorinë e katërt. Pas Kubës, ai po vazhdon me shpejtësi drejt Floridas.
Irma ka mbërritur tanimë në Miami dhe Florida ndodhet në ditët më të këqija. Autoritet kanë urdhëruar evakuimin e njerëzve.
“Shërbimet e shpëtimit të Floridas vlerësojnë se 7 milionë banorë të Floridas kanë marrë urdhërin e evakuimit kundrejt 5,6 milionë që ishte dje në mbrëmje”, ka njoftuar guvernatori i floridas. Shpëjtësia e erërave shkon deri në 210 km në orë dhe qytetarët tani po luten t’i shpëtojnë kësaj katastrofe, madje edhe vetë guvernatori.
“Lutuni për ne”, tha guvernatori i Floridës, Rick Scott, në një intervistë për ABC News, pasi shteti i tij është përfshirë nga stuhia masive, e cila tashmë ka lënë gjurmët e shkatërrimit përmes Karaibeve.
Presidenti amerikan, Donald Trump, ka njoftuar se të gjitha forcat janë të gatshme në terren. Ai u ka bërë thirrje qytetarëve të largohen nga zonat me rrezik pa u brengosur për shtëpitë e tyre.
“Objektet mund të zëvendësohen, por jeta jo.”, shkruan Trump. Uragani Irma është stuhia më e fortë që Atlantiku ka parë për një dekadë dhe ka prekur gjithë jugun e vendit. (D.D/Shuplaka)
Discussion about this post