SHBA-ja është goditur së fundi nga dy uragane të njëpasnjëshme me pasoja shkatërrimtare. Uragani Irma që ka prekur Floridën, ka shkaktuar dëme të pakthyeshme në ishujt Karaibe. Deri më tani raportohen të kenë vdekur 7 persona.
Pasditen e sotme, ambasadorja e Shqipërisë në Shtetet e Bashkuara të Amerikës, Floreta Faber tha në një intervistë për Ora News se nuk ka shqiptarë të prekur nga Uragani Irma.
Ambasadorja ka edhe një këshillë për qytetarët, të cilëve u kërkon të ndjekin vazhdimisht lajmet dhe udhëzimet që japin drejtuesit lokalë të vendeve të prekura nga ky uragan.
“Në Flodira parashikohet që uragani të jetë i forcës 5. Në përgjithësi pjesën më të madhe të lajmeve e marrim nëpërmjet njoftimeve zyrtare ose nga lajmet, por kryesisht tek lajmet që marrim nga DASH. Unë me të gjithë kontaktet që kam pasur kryesisht me drejtues të organizatave në Florida japim atë këshillë që japin të gjithë: Ndiqni lajmet dhe merrni udhëzimet që japin drejtuesit lokale sepse ata e dinë ku do ndodhë lëvizja e uraganit.
Vetëm në pjesën ku ka qenë syri u uraganit ka qenë shkatërrimtare. Uragani nuk ka arritur akoma në Florida dhe nuk është përcaktuar dhe nuk dihet drejtimi që do marrë. Të gjithë njerëzit janë në pritje për të marrë njoftimin se çfarë drejtimi do marrin. Është mirë që të rrinë në shtëpi apo të largohen. Ata që ndodhen në zonat pranë bregdetit janë evakuuar.
Në Florida janë 35 mijë shqiptarë. Dje kam pasur edhe disa kontakte me shqiptarë, po më thoshin që donin të largoheshin nga Majemi për të ikur sa më nga veriu. Ka informacione të ndryshme, por nuk është dhënë informacioni se nga do lëvizë uragani.
Ne kemi vënë në dispozicion numrat e telefonit dhe do ju gjendemi pranë. Deri tani nuk ka të lënduar. Në Porto Riko ku dje kaloi uragani unë pata kontakt me një shqiptar, i cili tha se këtu mund të jemi 3-4, por nuk ka patur të lënduar.”, janë fjalët e ambasadores. (D.D/Shuplaka)
Discussion about this post