Uragani Rafael goditi bregun jugor të Kubës të mërkurën si një ciklon i kategorisë 3, me erëra prej 185 kilometrash në orë, njoftoi Qendra Kombëtare e Uraganeve të SHBA.
Uragani goditi një zonë rreth 135 kilometra në jug të Havanës dhe Qendra Kombëtare e Uraganeve në Miami paralajmëroi se pjesa më e madhe e Kubës perëndimore ishte nën “stuhitë kërcënuese për jetën me erëra të forta uragane”, shkruan Reuters.
I gjithë rajoni i Kubës është nën një paralajmërim uragani dhe provincat Artemisa dhe Pinar del Rio pritet të jenë më të prekurat.
Në Havanë, menjëherë pas fillimit të goditjes së uraganit, energjia elektrike filloi të zhdukej pas mesditës, shkollat dhe transporti publik në qytet u pezulluan deri në një njoftim të dytë, ndërsa autoritetet njoftuan se fluturimet në aeroportet ndërkombëtare “Jose Marti” dhe “Varadero” do të pezullohet deri nesër.
Policia paralajmëron qytetarët që të strehohen. Zyrtarët thanë se u evakuuan më shumë se 100 turistë kanadezë në Kubën jugperëndimore.
Meteorologët parashikojnë se “Rafael” më vonë do të zhvendoset në perëndim të Gjirit të Meksikës, njoftoi Qendra Kombëtare e Uraganeve.
Discussion about this post