Gjergj Çuni, i njohur si invalidi i protestave, pasi nuk ka munguar në asnjë nga protestat e fundit të opozitës është thirrur nga ofeiceri i Policisë Gjyqësore pranë Komisariatit Shkodër, Simon Loci që të paraqitet nesër në orën 10:00 paradite përpara tij pasi ndodhet në masën e “detyrim paraqitje”.
Në urdhërin e siguruar nga faxweb.al, shkruhet se në rast mosparaqitjeje, ndaj tij do të bëhet shoqërim i detyrueshëm.
Ndërkohë që kjo korrespondon me ditën kur opozita ka thirrur protestën e 8 kombëtare dhe Çuni nuk ka munguar në asnjërën prej tyre.
Gjergj Çuni invalidi i cili u shoqërua forcërisht në Komisariat pasditen e 25 Prillit, dhe u lirua pas disa orësh.
Pak momente nga lirimi i tij janë filmuar nga vajza e Çunit, e cila menjëherë pasi u pikas nga policia nuk është lejuar të filmonte duke u shoqëruar jashtë nga ambjentet e policisë ku priste të atin.
Në mesazhin e tij pas shoqërimit, Çuni ka deklaruar se u fut padrejtësisht në birucë, dhe se ai kishte dalë në lulishte për të pritur vajzën e tij që kthehej nga puna.
“Unë nuk e di se është e ndaluar që të qëndrosh në lulishte, më futën në burg këtu te biruca, dhe iu thashë që më kishin futur gabim. Më thanë që të kemi shigjetu, unë nuk kam sharë asnjë polic, të dalin dhe ti shohin. Iu thashë që kisha dalë për të marrë vajzën, isha në lulishte si të gjithë qytetarët, iu kallzoj ndërkombëtarëve që nuk është e drejtë me më fut mua në burg si invalid”, u shpreh Çuni pas daljes nga komisariati.
(F.GJ/FAXWEB.AL)
Discussion about this post