Pas publikimit të përgjimeve për dosjen 339/1 nga ana e gazetës gjermane “Bild”, ka reaguar Prokuroria e Krimeve të Rënda e cila me anë të një urdhëri të firmosur nga dy prokurorët e dosjes, Vladimir Mara dhe Dritan Prençi, u ndalohet të gjitha mediave publikimin e këtyre përgjimeve.
Ish-ministri i drejtësisë publikon nenin 22 të Kushtetutës, sipas të cilit “media nuk censurohet”.
Postimi i plotë i Ylli Manjanit:
Kot sa për informacion ligjor.
Ky është neni 22 i Kushtetutës. I të njëjtës Kushtetutë që i referohet Kryeministri këto kohë, kur bie fjala për të shtyrë zgjedhjet.
Por në rastin e lirisë së shprehjes formulimi kushtetues është i rreptë, i qartë dhe i prerë.
“Media nuk mund të censurohet paraprakisht”…
Pra atë urdhërin për censurë, prokurorët bëjnë mirë ta rishohin sipas Kushtetutës së shtetit e jo të pushtetit…
