Katër shtete amerikane kanë vendosur të sfidojnë urdhrin e Presidentit të SHBA-ve, Donald Trump, për emigracionin. Mësohet se disa avokatë të shtetit nga Hawaii kanë ngritur padi në gjykatën federale të kryeqytetit Honolulu, duke argumentuar se urdhri i ri do të dëmtonte myslimanët e këtij shteti, turizmin dhe studentët e huaj.
Edhe Washtibgtoni i ka kërkuar një gjykatësi federal në Seattle të deklarojë se vendimi i mëparshëm i gjykatës që bllokon zbatimin e urdhrit të mëparshëm ekzekutiv vlen edhe për variantin e rishikuar të tij.
Kësaj përpjekje mësohet se i janë bashkuar dhe shtetet e Oregonit dhe New Yorkut.
Trump nënshkroi të hënën një urdhër të ri ekzekutiv që ndalon për 3 muaj qytetarët nga 6 vende: Irani, Libia, Somalia, Sudani, Siria dhe Jemeni – të udhëtojnë në Shtetet e Bashkuara.
(XH.A/SHUPLAKA)
