Kryetari i Shoqatës së të Përndjekurve politikë Nebil Çika në një intervistë për ‘Fax News’ me gazertarën Mirilda Tili ka folur mbi shkresën e Ministrisë së Drejtësisë, dërguar kësaj shoqate ku i kërkon të dalin nga zyra që ndodhet përballë kryeministrisë.
Ministria e Drejtësisë e justifikoi këtë me arsyetimin se ‘vë në rrezik sigurinë e Kolegjit të Posaçëm të Apelimit dhe Komisionari Publik të Vettingut’.
Por kreu i shoqatës beson se nuk është kjo arsyeja e vërtetë, por lidhet me shkaqe politike.
“Mua më duket tendecioze dhe politike dhe kam arsye ta besoj. Ne jemi këtu, nuk kemi pasur asnjë njoftim zyrrtar, asnjë lloj komunikimi zyrtar”, tha ai.
Çika deklaroi se zyra e shoqatës ndodhet aty me vendim të Këshillit të Ministrve dhe për ta shpërngulur prej andej duhet përsëri një VKM tjetër, dhe kjo nuk mund të bëhet përmes një shkrese të Ministrisë së Drejtësisë.
Ai e konsideroi urdhrin e Ministrisë së Drejtësisë si urdhrat e dëbim-internimit që u bëheshin njerëzve tanë gjatë diktaturës ku të ashtuquajturit armiq të komunizmit nxirreshin nga banesat dhe pronat e tyre, burgoseshin, dëboheshin e internoheshin në fshatrat e humbura e të izoluara me të njëjtin motivacion që Ministria e Drejtësisë na kërkon ne largimin nga zyra: Cenonin sigurinë e institucioneve dhe drejtuesve të diktaturës komuniste.
“ Shkelja e ligjit dhe mungesa e kominikimt është e jashtëzakonshme më e keqe se në diktaturë. Ditën është model i njëjtë me dënimet e arrestimet në kohën e diktarturës. Ata akuzoheshin se cënonin sigurinë të udhëheqësve komunist kjo ishte arsyeja që i degdisnin në fshatra, e njëjta gjë edhe sot ikni ku të doni na thonë, ky ësghtë urdhri. Kjo është e papranueshmë për ne dhe të gjithë shqiptarët, nuk ndryshojnë aspak në raport me ne. Kjo është një qeveri armiqësore”, tha Nebil Çika.
Kjo shkrese e Ministrisë së Drejtësisë mbërriti vetëm dy ditë pasi kryetari i Shoqatës i dërgoi një letër të hapur Prokurores së Përgjithshme të Përkohshme Arta Marku ku denoncoi bllokimin nga Prokuroria e Krimeve të Renda e regjistrimit dhe të hetimit të kallëzimit penal për krime kundër njerizimit dhe gjenocid.
Çika tha se kjo shtresë trajtohet si armiqësore nga ana e qeverisë edhe sot. Ai ceku edhe yllin komunist të kryeministrit, që sipas tij është një provokim i hapur.
“Ylli komunist është i hapur një provokim ndaj neve ndaj shqiptarëve”, tha ai duke shtuar se nëse qeveria mendon se ata janë kërcënim për sigurinë e institucioneve atëherë duhet të krijojë kushte për lëvizjen e tyre.
“Nëse ata mendojmë që cënojmë sigurinë e institucioneve, ata duhet të na krijojnë neve kushte, një zyrë, të na japin diku tjetër që ne të vazhdojmë punën dikut jetër”, tha Nebil Çika ndër të tjera.
Intervista e plotë:
(B.H/Faxweb)
Discussion about this post