Sot të gjithë shqiptarët, qofshin të krishterë apo myslimanë, festojnë me njëri-tjetrin festën e Krishtlindjeve. Por një gjë e tillë nuk mund të ndodhte pak vite më parë, kur Shqipëria ishte nën regjimin komunist.
Drejtoria e Përgjithshme e Arkivave ka publikuar sot një dokument që dëshmon urimin e fundit të bërë në Shqipërinë komuniste, pikërisht në vitin 1966, e që prej andej, feja ndali së qëni pjesë e jetës së shqiptarëve, për t’ju rikthyer hapur ritualeve dhe festave pas viteve 90-të me ardhjen e demokracisë.
Më 23 dhjetor 1966, Kryetari i Kishës Ortodokse Autoqefale të Shqipërisë, Kryepeshkopi Damian, përmes një telegrami, i uron Krishtlindjet Kryetarit të Kishës Katolike të Shqipërisë, Imzot Ernest Çobës.
Ishin Krishtlindjet e fundit përpara fillimit të epokës ateiste në Shqipërinë komuniste. (A.R/SHUPLAKA)
