Ish-kapiteni i kombëtares shqiptare të futbollit, Lorik Cana, i dha lamtumirën futbollit në ndeshjen historike mes Shqipërisë dhe Italisë në mbrëmjen e 9 tetorit.
Lajmi për lamtumirën e tij u pasqyrua edhe në mediat e huaja, ndërkohë që ish-klubi i tij Lacio ka bërë një urim mjaft të veçantë për Canën i cili ka qenë pjesë e këtij ekipi.
“Faleminderit Lorik Cana, ishte nder për ne të të kishim pjesë tonën! Urojmë që e ardhmja të të dhurojë kënaqësi të mëdha”, shkruan Lacio në “Instagram”.
“111 beteja për të mbrojtur këto ngjyra. Fat i mirë luftëtar!”, shkruan klubi italian në “Facebook”.
Cana i dha fund karrierës së tij me Kombëtaren duke regjistruar 93 takime të luajtura. Kulmi i karrierës së tij me kuqezinjtë është pjesëmarrja në “Euro 2016” në Francë. (B.H/Shuplaka)
