Ushtarët rusë zmbrapsin tre sulme nga forcat ushtarake ukrainase në Kursk

Ushtarët rusë zmbrapsën tre kundërsulme nga forcat ushtarake ukrainase në rajonin e Kurskut gjatë natës, njofton Ministria ruse e Mbrojtjes.

Sipas Ministrisë ruse të Mbrojtjes, forcat ushtarake ukrainase u përpoqën të kundërsulmojnë në perëndim të rajonit Kursk pranë fshatrave Ulyanok dhe Cherkassky Konopelka të enjten, por u zmbrapsën nga forcat ushtarake ruse.

Sakaq, Reuters thekson se nuk ka konfirmuar në mënyrë të pavarur pretendimet e palës ruse për zhvillimet e fundit të luftës Rusi-Ukrainë.

Ukraina nisi një sulm të befasishëm në tokën ruse në gusht të vitit të kaluar, duke pushtuar rajonin e Kurskut.

Harta e mëposhtme tregon situatën aktuale të luftimeve në zonë.