Shqiptarët duket se nuk mund t’i trembësh me kërcënime dhe me masa ndëshkimore. Ky është rasti edhe në ushtrinë greke ku një prej shqiptarëve që janë pjesë e saj nuk është ndalur apo frenuar nga kërcënimet e Ministrisë së Mbrojtjes
Ai shfaqet tërësisht krenar duke bërë shqiponjën. Ky nuk është rasti i vetëm në ushtrinë greke që shqiptarët bëjnë xheste të cilat konsiderohen provokim nga ana e grekëve.
Ka qenë një portal grek ai që e ka publikuar këtë foto, ”Newsit.gr”, dhe ende nuk dihet vendi se ku është realizuar kjo foto.
Ndërkohë jo më larg se para dy ditësh Panos Kamenos, ministri i Mbrojtjes në Greqi,ka kërkuar dënimin maksimal për 7 ushtarët grekë me origjinë shqiptare të cilët e kishin bërë më herët shqiponjën.
Ai u tregua i ashpër duke kërkuar që ushtarët të dënohen me 5 vite burg nën akuzën e ringjalljes së nacionalizmit shqiptar.
“Ky është një projekt në vazhdim të nacionalizmit shqiptar. Ushtarët të dënohen me 5 vite burg. Çdo shqiptar që nuk ndihet grek, të kthehet në vendlindje.
Kam kërkuar marrjen e masave disiplinore, administrative dhe kriminale për përgjegjësit”, tha ministri duke folur për televizionet greke. Është diçka e krijuar nga nacionalistët shqiptarë për të dëmtuar marrëdhëniet me Greqinë. Një fenomen i tillë është i papranueshëm për Forcat e Armatosura.”, deklaronte Kamenos. (E.K/SHUPLAKA)
