Zyra për Informim e Shtabit të KFOR-it ka njoftuar se ndryshe sa është përfolur nëpër media gjatë ditës së sotme, gjendja në veri, si dhe në mbarë Kosovën, është nën kontroll.
Për rastin në fjalë, KFOR njofton se një grup Zyrtarësh të NATO-s, të shoqëruar nga KFOR, po zhvillonin një aktivitet zbulimi në Kosovë. Ata oficerë janë nga vende të ndryshme të NATO-s, përfshirë Shqipërinë.
“Ky nuk është një provokim, por është një aktivitet i përbashkët i NATO-s dhe prania e 4 oficerëve shqiptarë nuk duhet të habisë askënd qëkur Shqipëria ka qenë anëtare e NATO-s për 10 vjet. Për më tepër, duhet të dihet se Shqipëria po kontribuon gjithashtu në misionin e KFOR-it”, shkruhet në deklaratë.
Deklarata e plotë:
Përsëri sot lexojmë për komplote të padëshiruara dhe një sërë ngjarjesh të çuditshme, të cilat vetëm krijojnë panik dhe konfuzion në njerëzit që meritojnë më shumë respekt.
Pavarësisht nga ankesat e shumta që nuk përmbajnë spekulime të papërgjegjshme, për fat të keq thashethemet e fabrikuara vazhdojnë të qarkullojnë në media dhe të shkaktojnë shqetësime të pabaza në mesin e popullatës.
KFOR-i konfirmon se situata në veri, si dhe në mbarë Kosovën, është absolutisht nën kontroll dhe nuk ka asnjë shenjë apo dëshmi të trazirave apo dhunës së mundshme.
Në realitet nuk ka asnjë arsye për t’u shqetësuar dhe për të mos pasur frikë.
Në ato ditë, një grup Zyrtarë të NATO-s, të shoqëruar nga KFOR, po zhvillon një aktivitet zbulimi në Kosovë. Ata oficerë janë nga vende të ndryshme të NATO-s, përfshirë Shqipërinë.
Aktiviteti konsiston në një vizitë në vende të ndryshme në Kosovë, duke përfshirë Mitrovicën dhe vende të tjera në Veri.
Ky nuk është një provokim, por është një aktivitet i përbashkët i NATO-s dhe prania e 4 oficerëve shqiptarë nuk duhet të habisë askënd qëkur Shqipëria ka qenë anëtare e NATO-s për 10 vjet. Për më tepër, duhet të dihet se Shqipëria po kontribuon gjithashtu në misionin e KFOR-it.
KFOR-i vazhdon të jetë i paanshëm ndaj mandatit të OKB-së për të mbrojtur të gjithë.
(F.GJ/FAXWEB.AL)
Discussion about this post