Pakësimi i municioneve jep një sinjal kërcënimi për Ukrainën. Forcat ukrainase tashmë janë larguar nga qyteti i Avdiikas: ishte një pikë mbrojtëse për pozicionet ukrainase në brendësi të vendit, një vendbanim me labirinte të nëndheshme që shërbente për të mbrojtur qëndrat e rëndësishme logjistike.
Administrata Biden e lidh humbjen e Avidiikas me mosveprimin në Kongres për ndihmën ushtarake prej 60 bilion$ për Ukrainën. Për javë të tëra forcat ukrainase janë ankuar për mungesa të mëdha municionesh, me një pjesë që luftojnë me vetëm 10% të furnizimeve që u nevojiten.
Furnizimi me artileri me rreze të gjata nga perëndimi sa vjen e zvogëlohet dhe kjo nënkupton që forcat ukrainase e kanë të pamudur të godasin objektiva të largët pas linjave ruse. Gjatë luftimeve, udhëheqësit ushtarakë urdhëruan njësitë të qëllonin vetëm objektiva të afërt. Shqetësimet tashmë po rriten, pasi pa ndihmë ushtarake në municione, mund të përsëritet ajo që ndodhi në Avdiika.
“Aktualisht, deficiti i municioneve është mjaft serioz. Na është premtuar se do të vijnë më shumë, por nuk po i shohim”, tha Khorobryi, komandanti i një baterie artilerie.
Ai shton se njësitë e zbulimit ajror dallojnë shumë objektiva me rreze të gjatë, duke përfshirë mortaja dhe granatahedhës rusë, por për shkak të municionit të kufizuar nuk mund t’i godasin.
