Autoritet irakiene njoftuan sot se rimorën kontrollin e xhamisë historike në qytetin e Mosulit të shkatërruar nga militantët e ISIS, shkruan VOA.
Ishte pikërisht nga ai vend që tre vite më parë kreu i grupit militant vetëshpalli kalifatin.
Të shtunën e javës së kaluar militantët e hodhën në erë xhaminë me një histori 850 vjeçare dhe minaren e saj 45 metra të gjatë.
Forcat irakiane të mbështetura nga ajri dhe toka prej koalicionit të udhëhequr nga SHBA po punojnë për të larguar luftëtarët e fundit të ISIS nga pjesa e qytetit të vjetër të Mosulit perëndimor.
Mosuli ra në duart e Shtetit Islamik në vitin 2014.
Kryeministri irakian Haider al-Abadi tha se hedhja në erë e xhamisë ishte “njohja zyrtarisht e humbjes” nga ana e Shtetit Islamik.
(M.D/Shuplaka)
