Ushtron dhunë psikologjike ndaj motrës, policia i shkon në shtëpi lushnjarit dhe i gjen armën pa leje

Dhuna në familje është një fenomen nga i cili shoqëria shqiptare zor se ndahet për një kohë të gjatë. Së fundmi, një burrë i moshës 57-vjeçare është akuzuar se ka ushtruar dhunë psikologjike ndaj motrës së tij një vit më të madhe.

Pas denoncimit, policia ka ushtruar një kontroll në shtëpinë e 57-vjeçarit nga Lushnja, ku kanë zbuluar edhe një armë gjahu pa leje.

“Më datë 01.07.2017, u referuan materialet në Prokurorinë e Rrethit Gjyqësor Lushnjë, për shtetasin L.R, vjeç 57, ka ushtruar dhunë psikologjike ndaj motrës, R.R, vjeç 58. Nga kontrolli në banesë, ju gjet dhe u sekuestrua me cilësinë e provës materiale një armë gjahu, pa leje. Nenet 130/4 e 280 të Kodit Penal.”, thuhet në njoftimin e policisë. (D.D/Shuplaka)