Një 51-vjeçar shqiptar është arrestuar në Ragusa, në Itali, pasi ushtronte dhunë në familje dhe kishte abuzuar seksualisht me ish-bashkëshorten e tij. Sipas autoriteteve italiane, shqiptari ka ushtruar dhunë sistematikisht ndaj ish-bashkëshortes mes viteve 2018-2023.
Gjatë kësaj periudhe, gruaja raportohet se ka jetuar në një gjendje të vazhdueshme ankthi dhe terrori për shkak të sjelljes së dhunshme të ish-partnerit të saj. Ka qenë, ajo që ka vendosur të denoncojë rastin, duke bërë që shqiptari të ndalohet, raportohet në media.
Rezulton se 51-vjeçari është një person me precedentë të mëparshëm penal.
Ndaj tij, u caktua fillimisht masa e sigurisë “arrest shtëpie”, por Gjykata vendosi ta dënoj atë me 6 vite e 6 muaj burg.
