Një sasi prej 922 gramësh vaj hashashi si dhe 10 kilogramë marjuanë janë sekuestruar në portin e Barit në Itali. Lënda narkotike transportohej nga shtetasi Italian i identifikuar si G.M, fshehur në bagazhin e një automjeti me targa italiane.
Falë një pune të koordinuar të policisë së Kufirit në Durrës dhe Policisë Kriminale Italiane në Shqipëri është bërë i mundur sekuestrimi i tyre në portin e Barit nga Guardia di Finanza.
Falë një analize risku të ndarë bashkërisht dhe një shkëmbimi intensiv informacionesh me Guardia di Finanza, Policinë e Kufirit Durrës dhe Policinë Kriminale Italiane në Shqipëri u bë e mundur të ndalohet në Bari, Itali.
Po punohet për zbardhjen e plotë të këtij rasti të trafikimit të lëndëve narkotike, ku ka një shkëmbim intensiv të informacioneve mes Policisë Kufitare të Durrësit, Guardia Di Finanzës së Barit dhe Policisë Kriminale Italiane në Shqipëri. Për shkak të sekretit hetimor rezervohen të dhëna të tjera.
(E.K/SHUPLAKA)
