Dritëro Agolli, njëriu i letrave shqipe padyshim që është një nga emrat që do të mbahet mend gjatë në vendin tonë. Tashmë i gjetur në një moshë të thyer jorrallëherë është sjellë në vëmendje nga e bija për gjendjene rënduar në të cilën ndodhet.
Pas një postimi dy netë më parë ku përmes fjalëve dhe dhimbjeve për të atin, Elona Agolli rrëfen për ‘’GSH’’ se nuk ka një përkeqësim të gjendjes së tij.
Elona Agolli sqaroi se statusi i saj në rrjetin social “Facebook” ishte veçse një çast dobësie, këto ditë që ajo është në Londër. “Ishte vetëm një postim në një moment dobësie, pasi më merr malli më shumë kur jam larg, meqë kur jam në Shqipëri, shkoj çdo ditë e rri me të, lexojmë poezitë. Edhe në postim, unë nuk kam nënkuptuar që është i sëmurë.
Sigurisht, e ndjej trishtimin, pasi në moshën që është babai, unë çdo ditë kur largohem nga ai ndjehem në faj”. E pyetur se çfarë është errësira me të cilën lufton Drotëroi, e bija, Elona tha dje për “GSH” se, “ai natën e ka tmerr, thotë më ngjan si një buldozer që më shtyp.
Por me ardhjen e agimit, babai qetësohet, siç edhe jam shprehur kur them ‘ti pret dritën’”. Vajza e poetit, ndërsa ndodhet jashtë vendit për punë, thotë se “unë ngaqë di mendimet e përjetimet e babit kur bie muzgu e errësira, jetoj me mendimet e përjetimet e tij. Dhe kaq. Thjesht dashuri e qashtër bije, si çdo bije që do atin pa fund, njerëzisht e pafundësisht”. Ajo shton se Dritëroi madje e ka porrositur para se të udhëtonte për penë e bojë, pasi ai ende shkruan. (E.K/SHUPLAKA)
