Vajza e re përndiqet nga ish-kunati 59-vjeçar, Policia e shpall në kërkim

Një person është shpallur në kërkim nga policia pasi dyshohet se ka ngacmuar dhe përndjekur për disa ditë një grua shumë vite më të re se ai.

Sipas njoftimit të Policisë së Tiranës, është duke u bërë kërkimi i 59-vjeçarit me inicialet G. A., i cili  dyshohet se ka përndjekur dhe ngacmuar një vajzë të re në “Rrugën e Durrësit”. Vajza në fjalë është njëkohësisht ish-kunata e personit të shpallur në kërkim pasi ai është i divorcuar nga ish-bashkëshortja e tij.

Kur vajza ka venë re se ish-kunati po e përndiqte ajo është paraqitur në polici duke bërë denoncimin.

Pas këtij veprimi, policia e kryeqytetit njofton se ka nisur hetimet në lidhje me këtë ngjarje, ndërsa po kërkon 59-vjeçarin. (A.R/SHUPLAKA)