Këngëtari i talentuar shqiptar, Ermal Meta ka ndërprerë koncertin e tij në Mofletta të Barit për të përshëndetur një vajzë të vogël, e cila ishte në rreshtat e para. Ndërkohë që po këndonte , Ermali mbeti pa fjalë kur vuri re posterin që 10 vjeçarja kishte shkruar për të. Në të shkruhej propozimi për martesë, një dëshmi për dashurinë e madhe që vogëlushja ndjente për këngëtarin.
“Ermal të dua, do martohesh me mua?” dhe një shënim poshtë me emrin e saj, Francy.
Këngëtari nga Fieri ndërpreu koncertin, e gjeti vajzën në rreshtat e para, ku nuk harroi ta përshëndeste përzemërsisht dhe t’i jepte një puthje, ndërsa dhuratën e mori me vete.
Menjëherë pasi u ngjit në skenë, Ermali ia tregoi të gjithë fansave deklaratën e dashurisë dhe propozimin për martesë dhe për pak minuta vazhdoi edhe koncertin normalisht.
