Ai është një nga njerëzit më të pasur në Britani, por media e ka akuzuar disa herë për ngacmime seksuale. Megjithatë, Philip Green ia ka dalë deri më tani të mos ketë probleme.
Por ndërsa publiku ka bërë thirrje që atij t’i hiqet titulli kalorësiak Sir, gazeta ‘The Sun’ i ka publikuar një video të sikletshme. Miliarderi 66-vjeçar shihet teksa ngacmon një punonjësen e tij.
Me një shishe shampanje në dorë, ai e mban gruan e re në prehër dhe e quan ‘Vajza e ndyrë’. “A e dije që do kesh kaq shumë fat, a e dije,” i thotë ai, teksa e puth.
Madje miliarderi duket se e kupton se po e filmojnë. “Vajza e prapë do kujdeset për mua, jo për ju,” thotë Green. “Sa me fat,” shton ai, teksa e tërheq vajzën drejt vetes.
Green ka një pasuri prej mbi 3.6 miliardë dollarë. Mediat kanë raportuar se ai ka paguar një grua mbi 1 milion sterlina që të mos tregojë për ngacmimin seksual, shkruan Mapo.
Sir Philip Green i ka mohuar vazhdimisht akuzat. Vajza e miliarderit është Chloe Green. Ajo shkaktoi shumë bujë në media pasi u fejua me ‘kriminelin më të bukur në botë’, Jeremy Meeks.
