Përfaqësuesje e Partisë Bindja Demokratike, Valbona Mezini ishte e ftuar në studion e emisionit “Natë me Xhaxhiun” në Televizionin Fax News ku foli për arsyen e formimit të kësaj partie si edhe për atë çfarë ofron ky projekt i ri politik.
Mezini tha se kemi bërë dallimin e madh për të artikuluar gjithmonë interesin publik. Sipas saj, Bindja Demokratike është një grup idesh më një qëllim të përbashkët që formon një projekt të përbashkët ku i jepet fund kurropsionit, abuzimit, manipulimeve.
“Vijmë për ti dhënë fund partitokracisë në Shqipëri, sepse në vend ka parti që janë vënë në shërbim të interesit familjarë dhe të interesit politik. Thelbi i asaj çfarë do të kërkojmë ne është Reforma në Drejtësi dhe zbatimi i saktë i saj. Ne e kemi marr përsipër këtë rrisk dhe besoj se qytetarët do të na mbështesin pasi janë të pafundme edhe mesazhet inkurajuese. Distancimi nga Partia Demokratike është bërë për të ndërtuar një sistem demokratik për të siguruar një të ardhme më të mire”.
Lidhur me qëndrimin e Partisë Demokratike për krijimin e kësaj partie, Mezini tha se e mirëkupton çdo lloj deklarate apo qëndrimi që mund të ketë, duke shtuar se Bindja lindi si një forcë për të mblidheshim dhe të ndërtonin një mission të saj. Ajo kritikoi edhe punën e qeverisë shqiptare ku tha se 10% e shqiptarëve janë të pasur dhe oligark ndërsa sipas saj, 90% e shqiptarëve janë në varfëri të skajshme.
Mezini tha se Bindja është shtëpia e lirisë, duke shtuar se kushdo që mendon kundër kësaj klase politike dhe ka diçka për të thënë ose për të dhënë, është i mirëpritur ti bashkohet asaj.
https://www.facebook.com/faxweb.al/videos/394326651418365/
(F.GJ/FAXWEB.AL)
