Lugina e Valbonës, edhe pse e cilësuar si një nga përlat e Alpeve Shqiptare dhe një pikë e preferuar nga një numër i lartë turistësh, vijon të mbetet jashtë vëmendjes së qeverisë.
Megjithë protestat e shoqërisë civile dhe kundërshtimit të banorëve, në këtë zonë ndërtimi dhe puna e hidrocentraleve vijon pandërprerë edhe gjatë sezonit turistik. Në pamjet e siguruara nga FaxNeës, puna vijon qetësisht në tre hidrocentrale që po ndërtohen nga Tplani. Shpk, Dragobia Energy dhe Gener 2.
Megjithëse dy prej këtyre kompanive ndërtuese kanë qenë herë pas here në procese gjyqësore pikërisht për shkak të ndërtimit të këtyre HEC-eve, puna e tyre nuk ka ndaluar në asnjë moment.
Banorët e zonës kanë shprehur shqetësimin e tyre për FaxNews duke e cilësuar ndërtimin e këtyre HEC-eve si një problem që po sjell shkatërrim jo vetëm të florës dhe faunës, por po ndikon dhe në largimin e tyre.
Sipas tyre shqetësim kanë shprehur edhe turistët e huaj duke e cilësuar si të paprecedentë ndërtimin e HEC-eve në një park natyror të shpallur ‘Zonë E Mbrojtur’.
Përvec HEC-eve problem shqetësues për luginën e Valbonës mbetet edhe ndërtimit pa kriter i hoteleve dhe lokaleve në zonë.
Pavrësisht bukurive natyre që të ofron Valbona me lumin dhe malet e saj, dora e shtetit dhe e privatit po arrijnë që në vend të një gjelbërimi pa masë, nga Valbona të ofrohet një betonizim pa masë.
