Policia Rrugore ka nisur aksionin e ndëshkimit të të gjithë kundravajtësve në rrugët e Tiranës. Sipas një njoftimi zyrtar bëhet e ditur se janë vendosur 62 gjoba në vetëm 2 orë në akset dhe kryqëzimet e evidentuara si problematike në kryeqytet. Shqetësim kryesor është mosrespektimi i këmbësorëve, por dhe mosdhënia nga mjetet përparësi mjeteve të tjerë në sinjalizimin rrugor vertikal. Këto dy kundravajtje janë janë shkaku kryesor i aksidenteve rrugore me dëme materiale dhe jo vetëm.
“Duke marrë shkas nga fakti që në disa kryqëzime të kryeqytetit drejtuesit e mjeteve “injorojnë” sinjalizimin rrugor vertikal, duke krijuar trafik të rënduar dhe konfuzion në rrymat e trafikut, shkelje të cilat herë pas here, gjenerojnë në konflikte fizike dhe aksidente rrugore, Policia Rrugore e kryeqytetit monitoroi disa nga kryqëzimet më problematike dhe për rreth dy orë, konstatoi dhe procedoi administrativisht 64 drejtues mjetesh të cilët u verifikuan nga efektivët e Rrugores, në shkelje të normave të sjelljes të përcaktuara në Kodin Rrugor Shqiptar”, thuhet në njoftim.
