Valë largimesh në televizionin ”ABC News” pas largimit të drejtorit të Informacionit Armand Shkullaku.
‘Shuplaka” mëson se në këtë televizion janë ndërprerë 2 emisione. Po cilët janë gazetarët dhe redaktorët që janë larguar kësaj here?
Nga puna është larguar një prej gazetareve më të mira të kulturës në Shqipëri, Elsa Demo dhe njëkohësisht është ndërprerë nga transmetimi emisioni i saj ”Takime Kulturore në ABC News”.
Një tjetër gazetare e njohur është Alisa Braho, e cila po njësoj si Demo është larguar, ndërsa të njëjtin fat ka patur emisioni i saj ”Konfidencë”. Bashkë me të është larguar edhe moderatorja e motit Brikena Prifti e cila do të zëvendësohet me një vajzë tjetër.
Por një nga largimet më të forta ka të bëjë edhe me redaktorin Dorian Kodra, i cili siç mëson ”Shuplaka” ka dhënë dorëheqjen. Kodra ka nisur tashmë punën në portalin ”Lapsi.al” të Armand Shkullakut dhe Andi Bushatit. (V.G/SHUPLAKA)
Discussion about this post