18:30 | 12/06/2025
Nuk ka rezultat
View All Result
FaxWeb
  • Faqja Kryesore
    • Kontakt
  • Politikë
  • Aktualitet
  • Ekonomi
  • Veç e jona
  • Kosova
  • Bota
  • Sport
  • ShowBiz
  • Emisione
  • Faqja Kryesore
    • Kontakt
  • Politikë
  • Aktualitet
  • Ekonomi
  • Veç e jona
  • Kosova
  • Bota
  • Sport
  • ShowBiz
  • Emisione
Nuk ka rezultat
View All Result
FaxWeb
Nuk ka rezultat
View All Result
Fillimi Kryesore

Valentina Duka flet për shkaqet e humbjes: PD-ja u sabotua nga brenda, Basha njeriu që duhet për ringritjen

12:56 | 30/06/2017
në Kryesore, Politikë, Te Fundit, Te Gjitha
0
Valentina Duka flet për shkaqet e humbjes: PD-ja u sabotua nga brenda, Basha njeriu që duhet për ringritjen

Dekania Valentina Duka do të jetë një nga deputetet e Kuvendit të ardhshëm për Partinë Demokratike. Emri i sja ishte e para në listën e Korçës dhe vendi në Parlament është i sigurt.

Në një intervistë për ‘Panorama” ajo ka analizuar dhe shkaqet që çuan në humbjen e PD-së.

Ku përveç faktit që një pjesë e votave të qytetarëve u blenë, Duka ka thënë se PD u sabotua nga brenda nga njerëz të saj. Po ashtu ajo e ka konsideruar Lulzim Bashën një aset të PD-së dhe është personi që duhet për ringritjen e Partisë.

Cilat mendoni se ishin shkaqet e humbjes së PD-së dhe çfarë e solli një rezultat edhe më të keq se ai i 2013?

Të gjithë demokratët e ndershëm kudo në Shqipëri i ka tronditur humbja që pësoi PD në zgjedhjet e 25 qershorit. Pezmatimi na shtohet akoma më shumë kur mendojmë se në ç’rrethana kemi humbur! PD ka humbur në një kohë kur shumicës së shqiptarëve u kishte ardhur në majë të hundës nga qeverisja amatoreske, abuzive, arrogante dhe antipopullore e Kryeministrit Rama dhe ekipit të tij.

Jetojmë një kohë kur papunësia, varfëria dhe mjerimi janë ulur këmbëkryq anembanë Shqipërisë. Gjendja e pashpresë, ankthi e pasiguria për të nesërmen te një masë e madhe njerëzish, kanë rrënjosur fort idenë e braktisjes së atdheut në kërkim të një jetese më të mirë e më të sigurt jashtë vendit. Të gjitha këto nuk janë thjesht një retorikë politike, por një realitet i hidhur të cilin e kam prekur ditë për ditë e orë për orë edhe në qytetin e Korçës gjatë fushatës zgjedhore.

Kam takuar shumë e shumë njerëz, të cilët më kanë shprehur indinjatën e tyre për gjendjen dhe gatishmërinë për ta ndryshuar atë me votë. Në këto kushte, e mendoja të sigurt fitoren e PD-së jo vetëm në qarkun e Korçës, por në të gjithë Shqipërinë. Megjithatë, ndodhi ndryshe. Në vend që ne të flisnim sot për shkaqet e fitores, jemi të detyruar të diskutojmë për shkaqet e humbjes! Që të jesh i saktë në përcaktimin e shkaqeve të humbjes së PD-së, duhet një analizë politike e thelluar që do kohën e vet.

Por informacionet që kemi nga terreni, si dhe vlerësimet e bëra deri tani nga analistë e politikanë të ndryshëm, bëjnë të mundur të identifikohen dy shkaqe themelore: Së pari, zgjedhjet e 25 qershorit u goditën rëndë nga segmentet e makinerisë shtetërore të komanduar nga zoti Rama dhe njerëzit e tij, të cilët nëpërmjet presioneve, blerjes masive të votave me anën e parave të drogës, punësimeve të improvizuara etj., devijuan në mënyrë dramatike votën në favor të PS-së.

Së dyti, PD u sabotua rëndë edhe nga brenda saj. Të gjithë e pamë se si sulmoheshin e përgojoheshin kandidatët tanë nëpër portale të financuar nga ishfunksionarë të PD-zë, duke qenë në sintoni të plotë me sulmet dhe insinuatat e pushtetit të Ramës kundër tyre. Përtej kësaj, njerëz të caktuar brenda PD-së u përpoqën të dekurajojnë e të shmangin pjesëmarrjen në votime të mbështetësve tanë.

Si e shihni debatin për garën për kryetarin e Partisë Demokratike?

Personalisht mendoj se debatet dhe diskutimet janë një instrument i dobishëm që e shëndoshin gjendjen e një partie politike që funksionon mbi principe demokratike. Por në momentin kur po zhvillohen dhe mënyra se si po bëhen, shpien ujë në mullirin e kundërshtarëve tanë. Do të ishte më mirë që të merreshim me çështjet parimore që preokupojnë PD-në në këtë moment dhe jo me mllefe personale.

E gjykoni të drejtë iniciativën e një grupi të madh ish-funksionarësh për dorëheqjen e Bashës?

Më duket e padrejtë që të bëhet një gjë e tillë kur vetë zoti Basha e ka bërë një gjë të tillë në mënyrën që ai e ka gjykuar të drejtë.

A ka përgjegjësi Basha dhe a duhet të largohet ai nga drejtimi i PD-së. Kujtojmë këtu që listat e hartuara u konsideruan një vendimmarrje personale dhe nuk u konsultuan me kryesinë?

Mendoj se zoti Basha është një aset për PD-në, një personalitet me kapacitetet e duhura politike dhe intelektuale, një njeri me aftësi të veçanta komunikimi, cilësi këto të domosdoshme për një lider të një force të madhe politike, siç është PD-ja. Ata që e lidhin humbjen e tashme të PDsë vetëm me kryetarin, në rastin më të mirë janë jorealistë. Humbja është para së gjithash, rrjedhojë e shkaqeve të lartpërmendura. Personalisht kam bindjen se Lulzim Basha është njeriu i duhur për ta ringritur PD-në me një fuqi të re dhe për ta risjellë atë në pushtet në një të ardhme të afërt.

Ka një debat të nisur me përcaktimin e datës së zgjedhjeve brenda PD-së. Mendoni se duhet të ketë shtyrje të zgjedhjeve?

Mendoj se zgjedhjet duhet të bëhen në afatin e përcaktuara. (E.K/SHUPLAKA)

 

Etiketa: deputetja demokratedukavalentina duka
Pas

Ç’duhet të dini nga datëlindja e Vis Bajraktarit, nga fotoja me kunatën Sara Hoxha deri tek dhurata që i bëri vetes

Para

Kërkesa misterioze e Maqedonisë: DO FILMOJMË me avion trojet shqiptare (HARTA)

Para
Kërkesa misterioze e Maqedonisë: DO FILMOJMË me avion trojet shqiptare (HARTA)

Kërkesa misterioze e Maqedonisë: DO FILMOJMË me avion trojet shqiptare (HARTA)

Discussion about this post

 



Të Fundit

Krijohet Bordi i Përbashkët për Mitrovicën e Jugut dhe atë të Veriut, Albin Kurti: Do ta shtojë bashkëpunimin ndërmjet dy komunave

Zyrtarizohet stadiumi, Serbia do të presë Shqipërinë më 11 tetor në Beograd

1 milionë ushtarë rusë të vrarë e të plagosur, Ukraina raporton shifrat: Kjo është kosto e Moskës nga nisja e luftës

Në kërkim ndërkombëtar nga Hungaria, pas 1 viti paraburgim, Apeli liron 39-vjeçarin

Trump zbulon “Kartën e Artë”, hapen rezervimet online për shtetësinë amerikane

Serbia planifikon projektin “Trump Tower” në vendin simbolik të bombardimeve të NATO-s në Beograd

Federata Serbe zbulon stadiumin ku do të presë Shqipërinë më 11 tetor! Sfida do të luhet në ‘Rajko Mitić’, më i madh në Serbi

Tension para FSHF: Gent Progni vendos flamuj të UÇK-së, përplasje me një person të sigurisë private

Shkëlqim Shehu kërkon rishqyrtimin e rezultatit në Tropojë, ja data kur do jepet vendimi nga Kolegji Zgjedhor

Asnjë shqiptar në listë, Maqedonia e Veriut shpërblen me pension disa sportistë

© Copyright 2025, Të Gjitha të Drejtat e Rezervuara, Dev by Techzero1.com.

Nuk ka rezultat
View All Result
  • Faqja Kryesore
    • Kontakt
  • Politikë
  • Aktualitet
  • Ekonomi
  • Veç e jona
  • Kosova
  • Bota
  • Sport
  • ShowBiz
  • Emisione

© Copyright 2025, Të Gjitha të Drejtat e Rezervuara, Dev by Techzero1.com.