Deputetja e Partisë Socialiste, Valentina Leskaj, ka deklaruar sot se do të tërhiqet nga zgjedhjet e parlamentare, një vendim që e ka marrë në konsultim me Ramën. Në një deklaratë për mediat, ajo bëri me dije se nuk do të jetë pjesë e zgjedhjeve të ardhshme parlamentare.
Leskaj, e cila gjatë këtij sesioni parlamentar ka mbajtur edhe postin e nënkryetares së Kuvendit të Shqipërisë, u shpreh për tërheqjen por jo për largimin e saj nga PS.
“Unë kam vendosur të mos kandidoj për zgjedhjet e ardhshme. Kjo ka qenë zgjedhja ime e vendosur jo në minutën e fundit dhe e diskutuar dhe me Ramën dje në drekë. Është një vendim që e kam marrë unë. Nuk do jem më në parlament. Do dëshiroja të zëvendësohesha nga një e re.”
(XH.A/SHUPLAKA)
