Valer Kolnikaj tregon të pathënat nga jeta e tij me gruan: Kemi bërë luftë të madhe për t’u martuar

Të qenurit në qendër të vëmendjave dhe të diskutimit në media asnjëherë nuk ka qenë problem për Valter Kolnikaj. Mjekun nga Malësia e Madhe që ka pasion modelingun shoë-t televiziv e deri dhe muzikën.

Një prej personazheve më të spikatur televizivë, që pas pjesëmarrjes në Big Brother, Valer Kolnikaj e ka të vështirë të largohet nga vëmendja e publikut. Pas protagonizmit me të cilin u karakterizua në reality shoë-n, pjesëmarrjes në spektaklin e vallëzimit, sfidat në moderim dhe modelim, Valeri së fundi provoi veten edhe si këngëtar në “Këngën Magjike.”

Me gjithë guximin për të provuar gjithҫka i ofron jeta, Valeri ndihet më i sigurt në profesionin për të cilin ka investuar më shumë. Ai vijon të ushtrojë profesionin e mjekut në Malësinë e Madhe, por njëkohësisht nuk do për asnjë ҫast ta largojë vëmendjen nga televizioni, për të cilin, gjithashtu, ka investuar për shumë vite.

Të ftuar në emisionin e pasdites të Rudina Xhungës ai dhe gruaja e tij Madalena kanë rrëfyer edhe për vështirësitë e njohjes dhe kundërshtitë e familjarëve. 

Valeri dhe Madalena u njohën 6 vjet më parë nga miq të afërm të të dyve dhe shumë shpejt e kuptuan që ishin prerë për njëri-tjetrin. Edhe pse kishin një lloj “sigurie” për të ardhmen, kur në mes është Valeri, gjërat nuk mund të kalojnë aq lehtë. Kështu, edhe pas prezantimit, për Valerin gjërat do të vështirësosheshin. Për Madalenën gjithashtu. Meqenëse Valeri në atë kohë punonte si moderator në televizionin lokal të zonës, Madalena e njihte dhe e pëlqente si personazh: “Unë u dashurova me Valerin që me shikim të parë… Me gjithë pengesat, e vendosa në një farë mënyre. Sigurisht, duke marrë edhe miratimin e familjes sime…” – tregon Madalena. Si gjithmonë, Valeri ndërhyn për të plotësuar historinë. Ai shton se familja e Madalenës në atë kohë kishte fituar dokumentet për të jetuar në Itali, por ajo e kishte refuzuar largimin për shkak të Valerit.

Por nuk i harron reagimet e të afërmve që ishin kundër bashkimit të ҫiftit: “Kemi bërë luftë të madhe, sepse i kemi pasur të gjithë kundër. Madje as familjarët e Madalenës nuk donin që unë të isha dhëndri i tyre. Nëna e saj ka qenë e sinqertë me mua… Megjithatë, miratimin e morëm nga gjyshi i saj. Ai na dha bekimin dhe e miratoi bashkimin tonë”, – rrëfen Valeri.