Dy ambiente të reja i janë shtuar shkollës “Vasil Shanto” në inaugurimin e të cilave ishte i pranishëm kryetari i Bashkisë së Tiranës, Erion Veliaj.
Ai përuroi fushat e reja të futbollit dhe të tenisit për nxënësit e shkollës dhe falenderoi ata që kontribuan për shtimin e ambienteve sportive në kryeqytet. Gjatë fjalës së tij, Veliaj theksoi se ndërtimi i këtyre ambienteve që do t’i shërbejnë edhe komunitetit të zonës, i shtohen këndeve të tjera sportive që ka ndërtuar Bashkia e Tiranës.
Duke e cilësuar marsin që një muaj shumë pozitiv për realizimin e punëve publike, Veliaj theksoi se është e rëndësishme që t’i kushtohet më shumë vëmendje përmirësimit të mjediseve në shërbim të komunitetit.
“Këtë muaj kemi mbjellë me mijëra pemë, duke filluar nga Liqeni i Farkës, te Liqeni Artificial, te Bulevardi i Ri, te sheshi “Skënderbej”. Nëse kalojmë më shumë kohë me gjëra konkrete për fëmijët, siç janë këndet e lodrave, këndet sportive apo mbjelljet e gjelbërimet, dhe më pak kohë me fjalë, me sherre e përçarje, qyteti ecën përpara. Jam i bindur se të gjitha investimet në infrastrukturë nuk vlejnë asgjë në qoftë se nuk kemi kulturë dhe besoj se ky investim është më i rëndësishëm, ndoshta edhe se infrastruktura, sepse krijon një kulturë te djemtë dhe vajzat e qytetit si të luajnë në ekip, si të mësojnë të fitojnë, por edhe të humbasin”, tha ai.
(XH.A/SHUPLAKA)
(Kryetari i Bashkisë së Tiranës, Erion Veliaj)
Discussion about this post