Vasili del i irrituar nga Kuvendi: Nga sot ky institucion nuk funksionon më

Në dalje të seancës së sotme të Kuvendit, kreu i Grupit Parlamentar të LSI-së Petrit Vasili u shpreh se nga sot parlamenti nuk ekziston më.

Sipas tij me mbylljen e fjalës së Bashës nga Gramoz Rucci, parlamentarizimi ka vdekur.

“Kooperativa e Edi Ramës, Gramoz Ruçit dhe Taulant Ballës sot vendosi të uzurpojë edhe fjalën e opozitës. Këta banditë e uzurpatorë shënuan një moment të zi në parlament.

Sot rrënuan institucionin e parlamentit. I hoqën të drejtën që të fliste kreut të opozitës. Në momentin që fjala mohohet atëherë parlamenti nuk funksionon më. Zoti Luan Rama kërkoi që Lulzim Basha të fliste”, u shpreh Vasili në dalje të seancës.

(E.K/FAXWEB.AL)