‘’Lëre Vasilin të falimentojë SHPK-në që nrite ti’’, kështu iu drejtua sot nga Kruja kreu i PD-së Lulzim Basha Presidentit të ardhshëm Ilir Meta.
Duke i kujtuar që bën mirë të merret me Presidencën Basha shtoi më tej se ata kanë qenë pjesë e tepsisë.
Ndërkohë që një reagim të ashpër për këtë shprehje ka bërë kreu i LSI-së Petrit Vasili. Ai e cilëson kreun e opozitës si mosmirënjohës, madje e ka kujtuar që ka qenë i dehur nga hashashi.
REAGIMI I VASILIT:
I dashur Luli, nga Kruja, nën dehjen e hashashit, më zure dhe mua në gojë.
Mosmirënjohjen ndaj Berishës dhe Metës ta njoh mirë.
E di mirë edhe që ke hequr dorë nga objektivi yt dhe i PD-së për kryeministër dhe president.
Megjithatë, për të vërtetat e shpk-ve të tua dhe shumë të vërteta të tjera, që unë di nga takime shumë të rëndësishme, meqënëse edhe kandidati tjetër nuk po ta fishkëllen, edhe në respekt të demokratëve të pres të përballemi në tv, shesh a ku të duash.
Ky, Luli, është një shans edhe për ty.
Nuk dihet sesi do ti përgjigjet kryedemokrati ftesës për debat, por një gjë është e qartë: gara është nxehur ndjeshëm. (E.K/SHUPLAKA)
