Kryetari i grupit Parlamentar të LSI-së Petrit Vasili ka patur një mesazh të fortë për arrestimin e Balilit. Duke folur fillimisht për Reformën në Drejtësi Vasili ka vijuar duke komentuar arrestimin e Balilit. Duke iu referuar shortit të hedhur sot në Kuvend për emërimet në Drejtësi Vasili u shpreh se kjo ishte një nisje e mbarë e Reformës.
”Starton Reforma e shumëpritur me një ogur të mirë atë të transparencës. Kjo është starti më i mirë i kësaj reforme. Po me këtë transparencë duhet që të vazhdojnë të gjithë hapaat e tjera. Reforma e Drejtësisë ka hyrë me këmbën e duhur.
Secilat janë reagimet me kërkesën e kryetarit të Kuvendit po ja lë publikut të gjerë ta gjykojë. Unë pata mundësinë dhe fatin të isha në një takim të shkëlqyer që Meta pati në USA me shefin e luftës kundër trafikut të drogës Brownfield. Ai shprehu vlerësimet për reformën në drejtësi, po i vetmi shqetësim që ai ngriti ishte mosndalimi i Klement Balilit.
Me të drejtë zoti Meta e ngriti këtë problem edhe te autoritetet në Shqipëri. Dhe ambasadori Lu ka pasur prononcime shumë të qarta për këtë çështje. Është në vlerësimin e Presidentit për të aktivizuar apo jo Këshillin e Sigurisë”, ka deklaruar Vasili. (E.K/SHUPLAKA)
