Kreu i Grupit Parlamentar të LSI-së Petrit Vasili në një dalje për mediat ka komentuar deklaratat e forta të FMN-së bërë për koncesionet e dhëna nga ana e qeverisë.
Vasili thotë se LSI-ja prej kohësh ka depozituar në Kuvend një nismë për koncesionet dhe pret që kjo të merret seriozisht nga ana e qeverisë.
“LSI ka propozuar një nismë ligjore për koncesionet. Ju e dini se ky ka qenë një shqetësim i yni prej kohësh dhe nisma është bllokuar prej kohësh nga ana e socialistëve, pasi dihen mjaft mirë qëllimet e errëta me koncesionet.
Ato janë një praktikë mjaft e dëmshme. FMN flet qartë se projekti madhor i PPP-ve është as më shumë dhe as më pak në interes të pushtetarëve. Kemi 120 milionë euro borxh ndaj bizneseve.
Borxhi pritet të rritet me 7%, në ndryshim me premtimet e kësaj qeverie.
Kjo është një ekonomi që po shkon drejt regresit, FMN është një vlerësues 100% i besueshëm pohon që këto janë problematika mjaft serioze. Ekonomia duhet që të jetë në monitorimin e mediave dhe të profesionistëve të fushës.”, u shpreh ndër të tjera Vasili nga Kryesia e Kuvendit.
(E.K/SHUPLAKA)
Discussion about this post