Kreu i LSI-së flet pas takimit. Petrit Vasili është shprehur se LSI i qëndron besnik paketës së propozuar nga McAllister. Ai tha se nuk komenton asgjë në lidhje me qëndrimin që do të mbajë kryeministri pas takimit kokë më kokë me Bashën.
‘’Sot patëm mundësi që të zhvillonim një dialog më të gjerë, me pjesëmarrjen e të gjitha partive parlamentare. U njohëm në mëyrë të detajuar dhe me negociatat e PD-së dhe PS-së me ndërmjetësimin e amerikanëve. Kjo ka qenë baza themelore e diskutimit.
Përsa i përket LSI-së ne jemi të bindur që ajo duhet të zbatohet pikë më pikë. Nuk është asnjëherë vonë, ajo jep bazën e duhur për zgjedhje të lira dhe të ndershme. Problemi kryesor është vlerësimi i kohës, pasi çdo minutë që kalon është në dëm të vendit.
Paketa McAllister ka një datë brenda, që është 16 korriku dhe nuk ka asgjë të pazakontë në këtë datë. Nuk jam këtu për të diskutuar për atë që do të vendosë zoti Rama. Nuk hamendësoj asgjë që lidhet me kryeministrin’’, u shpreh Vasili. (E.K/SHUPLAKA)
Discussion about this post