Kreu i Grupit Parlamentar të LSI-së Petrit Vasili ka sulmuar Edi Ramës duke theksuar se është një shkollëpak që lexon nga përallat e La Fontenit dhe nuk ia ka fajin administrata.
“Kryeministri ynë dhe gomari i La Fontenit
Meqë ky shkollëpak që kemi në krye të qeverisë lexon përrallat e La Fontenit dhe meqënëse gjithë fajin që nuk i japin investime në Trieste, që jemi të 149-t si mbështetësit më të dobët të të varfërve e mbështetësit më të mëdhenj të oligarkisë dhe që 60% e qytetarëve duan të ikin nga Shqipëria e ka administrata, ja ç’thotë La Fonteni në një përrallë:
Një pronar, që të ruante kopshtin më mirë hoqi rojen dhe mori një gomar. Për gjithë natën gomari e shkatërroi kopshtin. La Fonteni i madh e mbylli përrallën duke thënë: “Nuk ka asnjë faj gomari, por Gomari që vuri gomarin.”
Kjo vlen edhe për shkollëpaktin, kryeministrin tonë, që fajin ia paska administrata në këto 4 vjet të vegjetimit të tij.”, shkruan Petrit Vasili.
Sjellim në vëmendje që ditët e fundit Rama po kryen dëgjesa publike me qytetarët por ka bërë edhe takime me përfaqësues të administratës, ku kanë diskutuar se çfarë duhet të bëhet më mirë. (J.V/Shuplaka)
Discussion about this post