Kryetari i Lëvizjes Socialiste për Integrim, Petrit Vasili, nuk ka vonuar të thumbojë kryetarin e Partisë Socialiste, Edi Rama, pas deklaratave më të fundit për tepsinë e ndarjes së pushteteve, administratës publike.
Duke e cilësuar si të shkëlqyer takimin me të rinjtë elektoral në Lushnje, Petrit Vasili shprehet se LSI ka plan të pasurojë njerëzit dhe jo oligarkët, e bëhet fjalë për plan që është plan dhe jo tepsi.
Vasili theksoi se ky është një plan që ia ul tatimin atij që punon, nuk ua merr gjakun nga rroga për të pasuruar oligarkun.
“Ne kemi plan që t’i pasurojmë njerëzit, jo të pasurojmë oligarkët. Dhe për këtë, në këtë plan që është plan dhe jo tepsi. Është plan që ul taksat, që njerëzit të kenë më shumë para për veten e tyre. Ia ul tatimin atij që punon, pra nuk ia merr gjakun nga rroga që të pasurojë oligarkun, sepse i merr këto para që fëmijët tanë të jenë më të pasur, më të shëndetshëm, jo që të kemi pikërisht ato koncesione që ia pinë gjakun.”, ka deklaruar së fundmi Vasili.
(XH.A/SHUPLAKA)
Discussion about this post