Sot në ambientet e Kryesisë së Kuvendit po organizohet hedhja e shortit për përzgjedhjen e anëtarëve të Këshillit të Emërimeve në Drejtësi.
Në këtë aktivitet po merr pjesë dhe kryetari i Parlamentit, Ilir Meta.
Në këtë procedurë do të përzgjidhen 9 emra mes 52 kandidatëve që marrin pjesë në garë. Deputetja e Partisë Socialiste.
Vasilika Hysi në fjalën e saj ka thënë se listat nga Prokuroria dhe Këshilli i Lartë I Drejtësisë janë hartuar në mënyrë të pandershme. Ajo ka vazhduar duke thënë më tej se nga kjo garë janë përjashtuar një kategori e magjistratëve.
Po sipas përfaqësuesve të institucioneve të mësipërme gara është bërë e reregullt dhe se nuk ka patur persona të përjashtuar nga shorti.
‘’Kërkuam të lihej disa ditë kohë që të njihej nga të gjithë e drejta për trë qenë kandidat. Jemi këtu për të zbatuar ligjin, ne nuk jemi gjykatë që të interpretojmë ligjin. Për hartimin e listave ka patur vetëm një ankesë në mënyrë zyrtare. Në mënyrë tjetër nuk mund t’I vërtetojmë ankesat e ngritura’’, është shprehur kryetari i Kuvendit Meta. (E.K/SHUPLAKA)
