Vatër e nxehtë/ Shtohen rastet e personave të infektuar më COVID-19 në Shkodër, ja për sa persona dyshohet të prekur

Shkodra tashmë është kthyer një “vatër e nxehtë” e përhpajes së koronavirusit, ku raportohet për një numër të madh rastesh vetëm brenda 24 orëve.

Ndërkohë që në vendin tonë aktualisht sipas Ministrisë së Shëndetësisë raportohet për 333 të prekur, në Shkodër vetëm brenda pak ditësh shifrat kanë shkuar në 31 raste.

Faxëeb raporton se dyshohet edhe për dy persona të infektuar me koronavirusi, duke e çuar numrin e të prekurve brenda 24 orëve në 11 persona.

Kujtojmë se sipas ISH janë shëruar 10 persona nga të cilët 3 personel shëndetësor, 99 persona të shëruar në total. Janë të shtruar 66 pacientë 6 prej të cilëve në terapi intensive, një është i intubuar.

Në spitalin COVID-2, “Shefqet Ndroqi” ndodhen 5 pacientë të shtruar dy nga të cilët të intubuar.

Sipas ISHP, deri në këto momente janë testuar 2247 raste të dyshuara dhe prej tyre janë të konfirmuar pozitivë me COVID-19, 333 raste. Mosha mesatare e rasteve pozitive me COVID-19 është 50 vjeç.

Harta e të prekurve nga COVID-19 zgjerohet në Tiranë, Durrës, Elbasan Has, Lushnje, Kavajë, Lezhë, dhe Shkodër.

(M.Q/Faxweb.al)