Ministri i Energjitikës Damian Gjiknuri ka komentuar mbi mundësitë e vazhdimit të koalicionit PS-LSI edhe pas zgjedhjeve të 2017-ës.
Sipas koordinatorit të PS-së në qarkun e Vlorës, partia që ai përfaqëson është e hapur për rinovimin e koalicionit, por LSI është e lirë të bëjë zgjedhjen e saj.
“PS e ka deklaruar më herët që ne jemi të hapur për rinovimin e këtij koalicioni, kemi qeverisur bashkë dhe kemi bërë gjëra të mira bashkë dhe besoj na lind e drejta që së bashku të kërkojmë edhe njëherë votëbesimin e qytetarëve shqiptarë. Ky është qëndrimi i PS, pastaj çdo parti mund të bëjë zgjedhjen e saj dhe ne nuk imponohemi askujt që duhet të vini patjetër ose jo në një koalicion qeverisës”, është shprehur Gjiknuri për Vizion +.
Kohët e fundit janë shtuar shumë zërat që flasin për një prishje mes PS dhe LSI-së, me kryewministrin Rama që e ka përsëritur disa herë dëshirën për vazhdimin e koalicionit, ndërsa kreu i Kuvendit Ilir Meta nuk ka folur ende konkretisht.
