Ftesa e kryeministrit Edi Rama për aleatin në bashkëqeverisje, LSI, për të vijuar koalicionin edhe pas zgjedhjeve të 18 qershorit 2017, do të duhet të presë deri në mes të prillit, kohë kur zyrtarizohen edhe koalicionet parazgjedhore.
Këtë e ka thënë një prej figurave më të larta të Lëvizjes Socialiste për Integrim, ministri i drejtësisë Ylli Manjani.
Në një intervistë për një televizion informativ, ministri Ylli Manjani është shprehur se, për shkak të ping-pongut që bëjnë partitë e mëdha PS-PD, OSBE ka vënë tashmë notë jokaluese që në fillim për zgjedhjet e 28 qershorit.
Manjani është i pari nga Lëvizja Socialiste për Integrim që del hapur pro një kandidature për Avokatin e Popullit, duke mbështetur atë në detyrë, Igli Totozanin. (A.R/SHUPLAKA)
