Përfaqësues të Shoqërisë Civile kanë protestuar edhe sot te projekti Veliera në Durrës dhe kanë kërkuar edhe njëherë tjetër ndërprerjen e punimeve. Gjatë periudhës që aktivistët protestonin, askush nuk po punonte mirëpo pas mbarimit të protestës, punonjësit kanë filluar nga puna.
Aktivistja Lorisa Ylli ka publikuar një video në Facebook nga e gjithë skena, në të cilën dallon qartë muri i kalasë së vjetër, i shkatërruar nga punimet që po kryhen.
Për më tepër, aktivistja ka marrë një goditje nga një person që po mbikqyrte punimet, kjo për shkak se ajo po filmonte pronën publike.
“Sot gjate gjithe dites nuk po punohej tek zona e mbuluar me tende jeshile sepse qytetaret ishin ne proteste. Kur kalova me vone ndodhi kjo qe shikoni. Personi qe shihni ne video sa s’me theu krahun me gjithe tel nderkohe qe une po i tregoja disa miqve italiane se si po shkaterrohet Durresi nga mafia e pushtetit. Aty eshte zona A dhe muri i kalase ku eshte shkaterruar duke u hedhur themelet e pallatit te Gjushit ! Ftoj prokurorine te marre masa te menjehershme. Ne po kercenohemi cdo dite nga mafia e pushtetit. Ju lutem sa me shume share. Te gjithe duhet te hapin syte se ke kane votuar.”, tregon Ylli. (D.D/Shuplaka)
