Vazhdon debati mes shkrimtarit Agron Tufa dhe analistit Dritan Hila. Gjatë ditës së sotme, Tufa ka publikuar në profilin e tij në “Facebook” një video-dokumentar me titullin “Divorce Albanian Style”. Në videon e “Opinion” shihet babai i Dritan Hilës teksa pranon publikisht se ka qenë figurë e lartë e Sigurimit të Shtetit.
Për më tepër, babai i analistit tregon me detaje punën e tij si pjesë e Sigurimit të Shtetit.
“Nese shihet ky film nga minuta 17 deri ne minutën 24, e kuptojmë se çfarë inteligjence atdhetare ka patur babai i Dritan Hiles dhe te gjithë do te me kuptoni drejt. Filmi i “Divorc ne stilin shqiptar”, qe ka fituar te gjitha çmimet me te rëndësishme te Europes. No coment”, shkruan Tufa.
Tufa dhe Hila prej disa ditësh po debatojnë virtualisht, kjo që kur ky i fundit i doli në mbrojtje shkrimtares Diana Çuli, lidhur me akuzat se për shkak të saj janë ekzekutuar poetët Genc Leka dhe Vilson Bollmshi.
Pas kësaj Tufa e cilësoi Hilën “lyth sekrecionesh enveriste”. Mirëpo pas kësaj deklarate kaq të ashpër, në debat është futur edhe bashkëshortja e Hilës, Rudina Xhunga. Kjo e fundit i shkroi Tufës: “Do m’i presësh gjuhën bashkëshortit? Ti meriton burgun”. (D.D/Shuplaka)
