Greva e urisë në Shkodër vazhdon edhe në këto orë të vona të mbrëmjes. Grevistët kërkojnë nga qeveria dëmshpërblimin për përmbytjet e 2010-ës dhe 2011-ës, prej të cilave pësuan dëme të rënda ekonomike.
Banorët që kanë hyrë në grevë urie janë: Gjon Lasku, Pal Marku, Frrok Kola, Lush Ndoci, Arben Kola, Mhill Guri, Skënder Mhilli dhe Dritan Ndreu.
Ata kishin dorëzuar më herët në polici kërkesën për lejen për zhvillimin e grevës së urisë, çka iu refuzua.
Nëpërmjet një statusi në rrjetet sociale, gazetari Simon Shkreli shkruan se greva po kryhet në kushte ç’njerëzore, pasi grevistëve nuk u lejohet as të shkojnë në banjo.
“Greve urie ne kushte çnjerzore. Policia e shtetit nuk i lejon as ne banjo te shkojne grevistet. Kerkojne demshperblimin e permbytjeve te viteve 2010-2011-te. Ne te ftohtin e acarte me temperature -2 ata qendrojne ne shesh te mbeshtjelle me batanije. U privohet e drejta themelore ajo e protestes kurse policia ushtron presion! Ata po shkojne drejte vetefilijimit. Te braktisur dhe te deshperuar kerkojn te drejten e tyre. Heshtin te gjithe maxhoranca e opozita. Ata qe i permbyten dhe ata qe u premtuan! #ndjehemiturperuar”, shkruan Shkreli.
Sakaq, gazetari ka publikuar disa foto nga situata e grevistëve të mbledhur përpara bashkisë, ku shihet qartë gjendja e rëndë e tyre, për shkak të të ftohtit.
Në lidhje me protestën, pak orë më parë ka reaguar edhe kryebashkiakja e Shkodrës, Voltana Ademi, e cila thotë se të përmbyturit janë në të drejtën e tyre.
“Pra kjo është alternativa e kësaj qeverie për Shkodren, asnjë lek, asnjë fond, asnjë interesim. Në vend të zgjidhjeve për njerëzit, ofrohet dhunë, kordona policie.
Të përmbyturit janë në të drejtën e tyre, por diskriminohen hapur nga Edi Rama e qeveria e tij që pas braktisjes po tenton të fuse dhe konfliktin në qytetin më të madh të Veriut. Meqe ai nuk votohet në Shkodër, hakmerret dhe çon deri në fund trillet e tij. Nuk i ka bërë mirë llogarite. Shkodra dhe shkodranët nuk jane sunduar me polici e forca të armatosura as në ditët me të këqia të diktatures. është koha që ai të reflektoje, të ndryshoje raportin me Shkodrën, duke respektuar në mënyrë të barabartë të drejtat e çdo individ në këtë vend, e të ushtroje detyrimin që ka si kryeministër.”, shkruan ajo në Facebook. (D.D/Shuplaka)
[ngg_images source=”galleries” container_ids=”940″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
