Dy vjet pas vdekjes së Konstandina Anagnosti 16 vjeçe në Sarandë, mediat greke raportojnë se Prokuroria e Janinës ka ngitur akuzë për vrasje ndaj Spiro Papës.
Ky i fundit ka qënë bashkëjetuesi i nënës se saj dhe njëkohësisht ka qenë taksisti që e ka shoqëruar të miturën drejt spitalit të Sarandës. Sipas familjarëve, ditën që vajza e tyre ndërroi jetë ka qenë në shoqërinë e tij.
Sipas vendimeve të marra nga gjykata deri më tani, vdekja e 16-vjeçares është cilësuar si vdekje natyrale, e shkaktuar nga një hemorogji celebrale por këto vendime janë hedhur poshtë nga familjarët, të cilët pretendojnë se vajza e tyre është vrarë dhe këto vendime i cilësojnë si të manipuluara nga instancat qeveritare.
Disa dokumente të autoriteteve greke kanë hedhur dyshime të forta jo vetëm për shkakun e vdekjes së 16-vjeçares, por edhe për zhdukjen e organeve të saj, çka e bën të pamundur përcaktimin e shkakut të vdekjes.
Sipas babait të 16-vjeçares, viktimës gjatë autopsisë i janë zhdukur një pjesë e organeve. Për këtë u ndoqën penalisht edhe katër mjekë, të cilët u akuzuan për “shpërdorim detyre”, “dhunim kufome”, “akt-ekspertim i rremë” dhe “fshehje e provave”.
Discussion about this post