Gjykata ka vendosur “arrest me burg” për dy prej të arresturit për ngjarjen në Kurbin, Ernis dhe Alban Likën. Ndërsa për Arbër Likën gjykata ka vendosur ” arrest shtëpie”.
Ata akuzohen për vdekjen në 31 dhjetorit 2017, të 16-vjeçarit Klejdi Gjeta. Ngjarja ndodhi në lagjen Sanxhak të Laçit ku Gjeta kishte hipur në tarracën e shtëpisë ku gjeti vdekjen nga një plumb në kokë.
Për këtë ngjarje janë ndaluar 3 të rinj me lidhje farefisnore me njëri-tjetrin. Në seancën e sotme nuk kanë munguar përplasjet e familjarëve të të akuzuarve me mediat. Ata kanë fajësuar mediat se kanë përhapur panik dhe kanë manipuluar ngjarjen në bashkëpunim me policinë.
“Fax News” raporton se familjarët janë shprehur: ” Media i ka bërë kriminelë të afërmit tanë. Ngjarja është manipuluar nga mediat dhe policia. Mos përhapni panik”.
Të ndaluarit për vrasjen e 16-vjeçarit Klejdi Gjeta janë tre kushërinjtë, Alban, Ernis dhe Arbër Lika, të cilët akuzohen për se kanë qëlluar me armë zjarri natën e 31 dhjetorit. (J.V/Faxweb)
Discussion about this post